Қурылыс факультети

«ПРЕСС КЛУБ» тың ДӘСЛЕПКИ ИЛӘЖЛАРЫ ҲАҚҚЫНДА

Улыўма инсанийлық ҳәм миллий қәдриятларға тийкарланған, ўатанпәрўарлық ҳәм адамгершилик идеяларын өзинде жәмлеген, кәмил инсанды қәлиплестириўге хызмет етиўши илажларды әмелге асырыў, моральлық сананы жетилистириў, миллий ҳәм улыўма  инсанийлық қәдриятлар тийкарында, әдеп-икрамлылық шеңберинде ҳәрекетлерди муўапықластырыў, әдеп-икрамлылық мүнәсибетлерди тәртипке салыў, сондай-ақ   тәлим-тәрбия  процеси   нәтийжелилигин тәмийинлеўде халықтың бай руўхый мийрасы, интеллектуал потенциалы ҳәм улыўма инсанийлық  қәдриятларынан кең пайдаланыў  мақсетинде  факультет  жасларының  пикир-усыныслары  тийкарында  “ПРЕСС  КЛУБ” шөлкемлестирилди.

“ПРЕСС  КЛУБ”тың  дәслепки  иләжы  жыл  басы, пәсиллер  сулыўы  болған әжайып  бәҳәр  айында  болып  өтти. Бул  иләжда  факультет  профессор – оқытыўшылары  ҳәмде  белсенди  студент  жаслар  қатнасты.  Иләжда  зийрек  студент  жаслар менен  ислесиў барысындағы  жумысларды  жетилистириў, олардың  интеллектуал  қәбилетин  асырыў, сөйлеў  ҳәм  кийиниў  мәдениятын  арттырыў  мәселелеринде  тийисли  шешимлер  қабыл  етилди.

Сондай-ақ  иләж  даўамында  оқыўда  ҳәм  жәмийетлик  жумысларда  билими  ҳәм  әдеби  менен  өрнек  болған  бир  қатар  зийрек,  белсенди студент  қызларға  “Бәҳәр маликасы”  номинациясы  бойынша  ҳурмет  жарлықлары  инәм  етилди.

“ПРЕСС  КЛУБ”  белгиленген  режеге  муўапық  жумысларын  даўам  ете  береди. Бәршеңизди  өз  пикир  ҳәм  усынысларыңыз  бенен  қатнасыўға  шақырып  қаламыз.

 

Имаратлар  ҳәм  иншаатлар қурылысы 

бакалавр бағдары 3-курс студенти:   А.Амирқулов

ДЫҚҚАТ, ДАҒАЗА!!!

      Университет студентлери арасында «Жаўызлыққа қарсы ағартыўшылық» атамасында «Ең жақсы мақала» номинациясы бойынша  таңлаўы өткериледи. Таңлаўдың факультет басқышы усы жылдың 4-15-март күнлери аралығында өткериледи. Таңлаўдың факультетлераралық басқышы усы жылдың 1-10-апрель күнлери өткериледи. Таңлаў бойынша қатнасқан студентлер өз мақалаларын көрсетилген мүддетлерде  өзлери оқып атырған факультеттиң жаслар менен ислесиў бойынша декан орынбасарларына бериўлериңиз тийис.

Таңлаў критериялары:

Таңлаўға усыныс етилетуғын мақалалар төмендеги критерияларда баҳаланады;

– теманың мәнис-мазмунын толық ашып берилиўи;

– дөретиўшилик жумыслардың стилистикалық ҳәм грамматикалық тәрептен дурыс жазызғанлығы;

– теманы жартыўда әдебиятлардан пайдаланыў дәрежеси ҳәм анализлеў ҳәм еркин пикирлердиң анық билдирилгенлиги;

– теманы жарытыўда өзине тән дөретиўшилик тәреплерин сәўлеленгенлиги;

-теманы жарытыўда турмыслық мысаллардан кең пайдаланғанлығы;

– темаға байланыслы актуал мәселелер, олардың шешимлери ҳаққында усыныслар келтирилгенлиги.

Таңлаўға берилген мақалалар көлеми  8-10тен 16-20 ге шекем болыўлары мумкин. Ҳәр бир критерия 10 балл системасында баҳаланады.                                                             

 

Таңлаўдың университет басқышында жеңимпаз болған студентлер университеттиң арнаўлы дипломы хәм қымбат баҳалы саўғасы менен сыйлықланады.

Jataxanada o`tkerilgen ilajlardan biri

2020-jil 2-mart kuni Universitetimizdin’ №4-5 studentler turar jayinda fakultetimiz student qizlarina «Qaraqalpag’istan Respublikasi sharayatinda energiya tejemli imaratlardi joybarlaw» temasinda tarqatpa materiallar, ko’rgizbe qurallar menen do’n’gelek stol a’trapinda seminar trening  o’tkerildi. Seminarga Ekonomika fakulteti ekonom teoriya kafedrasi dotsenti Taspanova Ayzada ha`m qurilis fakulteti student qizlari qatnasti.

Министр менен ушырасыў

Қарақалпақ мәмлекетлик университети Қурылыс факультетинде Өзбекстан Республикасы Президентиниң 2017-жыл 27-июльдағы  «Жоқары мағлыўматлы қәнигелер таярлаў сапасын арттырыўда экономика тараўлары ҳәм тармақларының қатнасын және де кеңейтириў ис-илажлары ҳаққында»ғы ПҚ-3151-санлы қарарында белгилеп берилген ўазыйпалардың орынланыўын тәмийинлеў бойынша ушырасыў шөлкемлестирилди.

 

Ушырасыўға Қарақалпақстан республикасы Үй жай коммунал хызмет көрсетиў министри Розимбай Аминович Сейтов, Қарақалпақ суў тармақлары бакармасы директоры орынбасары Мырзамурат Жумамуратович Утениязов, ҚҚ Пухаражойбар ЖШЖ баслығы Нағашбаев Амангелди, Қарақалпақстан республикасы Министрлер кеӊеси БББХ  «Инженеринг компания»сы жетекши қанигеси Руслан Зинелов, «ҚҚ Горсельпроект» ЖШЖ ниң қурылыс бөлим баслығы Ҳаҳраман Қошқаров, суў тармақлары ҳәм шығынды суўлар бөлими баслығы Пердебай Жақсынбаев, факультеттеги қәниге шығарыўшы кафедра баслықлары, профессор-оқытыўшылар ҳәм питкериӯши студент-жаслар қатнасты. Мәжлисти факультет деканы Т.Узақов  ашты ҳәм алып барды.

 

Ушырасыўда тийкарынан  ЖОО, буйыртпашылар менен биргеликте кадрлар таярлаўдың мазмуны, питкериўшилердиң билим ҳәм көнликпелерине қойылатуғын талапларды белгилеўши бакалавр бағдарларын ҳәм магистратура қәнигеликлериниң оқыў режелерин қурылыс тараўы талапларынан келип шыққан ҳалда ислеп шығыў мәселеси, өндирислик кәрханалар ҳәм мәкемелердиң қәниге таярлаў сапасына болған талапларын, тәлим бериўдиң мазмунын қәлиплестириў менен шуғулланыўшы ЖОО профиль кафедраларының профессор-оқытыўшылары тәрепинен системалы үйренилип барылыўын тәмийинлеў, раўажланған шет ел мәмлекетлериниң ең алдынғы тәжирийбесин терең үйренген ҳалда оқыў режелери ҳәм пәнниң бағдарламалары, оқыў әдебиятлары, соның ишинде оқыў-методикалық комплекслердиң халықаралық стандартлар тийкарында заманға сай талаплар тийкарында ислеп шығыў белгилеп алынды.

Сондай-ақ ЖООның тийисли тәлим бағдарлары бойынша ҳәр бир студенттиң 2-курстан баслап тийисли тараўдың анық шөлкемлери ҳәм кәрханаларында қәнигелик практикаларын системалы түрде өткерилиўи, әмелий шынығыўларды өндирис кәрханаларында шөлкемлестириў ҳәм де питкериўшилерди жумысқа жайластырыў бойынша анық ис-иләжлар белгилеп алынды.

Дыққат, ДАҒАЗА

Қурылыс факультетинде 21-февральдан 15-март аралығында төмендеги номинациялар бойынша таңлаў өткериледи:

  1. «Ең жақсы курс жойбары» номинациясы
  2. «Ең жақсы курс жумысы» номинациясы
  3. «Ең жақсы макет» номинациясы

        

Таңлаўды шөлкемлестириўши қурылыс факультети деканаты.

Шөлкемлестириў тәртиби: факультеттиң барлық студент жаслары жоқарыдағы номинациялар бойынша өз исленбелери менен қатнасыў ҳуқықына ийе (Еслетпе: исленбелер 12-мартқа шекем А-1 форматтағы қағазға шөлкемлестириўши комиссияға тапсырылыўы керек).

 

Таңлаўда қатнасыўшыларды хошаметлеў тәртиби:

Таңлаўдың факультет басқышы жуўмағы бойынша жеңимпазларға ҳәр бир номинация ушын

I, II, III-орын белгиленеди ҳәм шөлкемлестириўшилер тәрепинен ҳүрмет жарлықлары менен сыйлықланады.

Ҳәр номинация бойынша сыйлы орынды ийелеген жеңимпазлар жумыслары ректорат тәрепинен Наўрыз байрамы көргизбесине қойылады ҳәм ҳүрмет жарлықлары менен сыйлықланады.

 

Шөлкемлестириў комитети

«Келиӊ қызлар беллесейик» көрик-танлаўыныӊ факультет басқышы болып өтти

2020-жылы 14-февраль күни Қарақалпақ мәмлекетлик университетиниӊ мәденият сарайында Өзбекстан Республикасы Жоқары ҳәм орта арнаўлы билимлендириў Министрлигиниӊ 2019 жылы 11-ноябрьдеги 1043-санлы буйрығы менен тастыйықланған «Студент-қызлар арасында «Келиӊ қызлар беллесейик» көрик-танлаўын шөлкемлестириў ҳәм өткериў» ўазыйпаларын орынлаў мақсетинде Өзбекстан Республикасы Жоқары ҳәм орта арнаўлы билимлендириў Министрлиги тәрепинен өткерилетуғын «Келиӊ қызлар беллесейик» көрик-танлаўы Концепциясы ҳәм Нызамы тийкарында Қарақалпақ мәмлекетлик университетиниӊ қурылыс факультетинде «Келиӊ қызлар беллесейик» көрик-танлаўыныӊ I-басқышы болып өтти.

Таңлаў төрт шәрттен ибарат болып, биринши шәрти таныстырыў шәрти болып, бул шәртте ҳәр бир қатнасыўшы қыз өзи ҳаққында таныстрады,  екинши шәртте ҳәр бир қатнасыўшы қыз китапханлық саўатқанлығын асырыў мақсетинде ҳәр бир қатнасыўшы қызға әдебий шығармалардан сораўлар бериледи, ал үшинши шәртте болса ҳәр бир қатнасыўшы қыз пәзенделик шеберлигин көрсетип береди, яғный бул шәртте ҳәр бир қатнасыўшы қыз мийллийлигимизге сай болған мийман күтиўде бәҳәр салатларынан бирин таярлап береди, төртинши шәрт еркин тема шәрти болып бул шәртте ҳәр бир қатнасыўшы қыз өзлериниӊ шеберлигинен келип шығып өз өнерин көрсетип береди. Нәтийжеде таңлаў жуўмағында төрешилер баҳалаўы бойынша Имаратлар ҳәм сооружениелер қурылысы бакалавр бағдары 1-курс студенти Эрбоева Муножат I-орынды, Қурылыс материаллары, буйымлары ҳәм конструкцияларды ислеп шығарыў  бакалавр бағдары 1-курс студенти Мухаметиярова Назира ҳәм Инженерлик коммуникациялар қурылысы ҳәм монтажы бакалавр бағдары 3-курс студенти Қыдырниязова Зулқумар II-орынды, Қурылыс материаллары, буйымлары ҳәм конструкцияларды ислеп шығарыў  бакалавр бағдары 2-курс студенти Абдирахманова Нилуфар, Инженерлик коммуникациялар қурылысы ҳәм монтажы бакалавр бағдары 3-курс студенти Оразбаева Гулмира  ҳәм де Имаратлар ҳәм сооружениелер қурылысы бакалавр бағдары 3-курс студенти Рамбергенова Зухра III-орынды жеӊип алыўға мийяссар болды, сондай-ақ  таӊлаўға белсене қатнасқаны ушын Инженерлик коммуникациялар қурылысы ҳәм монтажы бакалавр бағдары 1-курс студенти Собирова Чаррос ҳәм де Қурылыс материаллары, буйымлары ҳәм конструкцияларды ислеп шығарыў  бакалавр бағдары 1-курс студенти Танбаева Нилуфар ҳурмет жарлығы менен сыйлықланды. Таңлаў жуўмағында жеңимпазлар баҳалы саўғалар менен сыйлықланды ҳәм де II-басқышқа жоллама алды.

 

                     Қурылыс факультети басланғыш

                              ҳаял-қызлар шөлкеми жетекшиси           Р.Пахратдинова

 

ИЛИМ ҳәм ѲНДИРИСТИ ИНТЕГРАЦИЯЛАЎҒА бағышланған ушырасыў

Ѳзбекстан  Республикасы  Президентиниң  2017-жыл  27-июльдағы  «Жоқары  мағлыўматлы  қәнийгелер  таярлаўдың  сапасын  арттырыўда  экономика  салалары  менен  тармақларының  қатнасын  буннан  былай да  кеңейтиў  иләжлары  ҳаққында»ғы  ПҚ-3151  ҳәм де 2018-жыл  7-май  күнги «Экономика  тараўлары  ҳәм  тармақларына  инновацияларды  енгизиў  механизмлерин  жетилистириў  бойынша  иләжлар  ҳаққында»ғы  ПҚ-3698-санлы  қарарларында  белгиленген  ўазыйпалардың  орынланыўын  тәмийнлеў  мақсетинде  Қурылыс  факультети  питкериўшилери менен     илим  ҳәм  ѳндирис  интеграциясын  тәмийнлеў  мақсетинде ушырасыў болып  ѳтти.

Ушырасыўды  Қурылыс  факультети  деканы  т.и.к  Т.Узақов  ашты  ҳәм  алып  барды.

Ушырасыўда  Қарақалпақстан  Республикасы  «Жер  мүлик кадастры  мәмлекетлик  кәрханасы»  Нѳкис  қаласы   филиалы  бас  инженери   Адил  Еренов,  «Нукус  Горландшафт»  жойбарлаў  мекемеси  баслығы  Сейтмурат  Сайпназаров, «Гербиш  ѳндирис» ЖШЖ баслығы С.Есбергенов, «Пухара  жойбар»  жойбарлаў  мекемеси  инженери  Ықлас  Кайповлар қатнасты.

Сондай-ақ  ушырасыўға  факультеттиң  питкериўши  студент  жаслары  ҳәм  профессор-оқытыўшылары  қатнасты.

Ушырасыўда  «Илим,мағрипат ҳәм санлы экономика»  мәмлекетлик  бағдарламасының   тийкарғы  мәниси  ҳәм  әҳмийети  ҳаққында  түсиниклер  берип  ѳтилди.

Сораў-жуўап  ҳәм  пикир  усыныслар  менен  дебатқа  айланған  бул ушырасыў  қатнасыўшыларда  үлкен тәсир қалдырды.

 

Қурылыс  факультети

Кураторлар Кеңеси баслығы:                       М.Ешмуратов

 

4-курс  студенти:                                            Ы.Ниязымбетов

 

“Жаслардыӊ компьютер саўатханлығын асырыў”

Қурылыс факультети  студентлери арасында Өзбекстан Республикасы Президенти тәрепинен жаслар мәнаўиятын жоқарылатыў ҳәм олардыӊ бос ўақытларын мазмунлы шөлкемлестириў мақсетинде “Бес баслама бес имканият” бағдарлама шеӊберинде “Компьютерде жойбарлаў” бағдары бойынша 2 номинацияда таӊлаў болып өтти.  Таӊлаў жуўмағы байынша төмендеги студент-жаслар жеӊимпаз болды.

  1. LIRA программасы бойынша:

1-орын Канатбаев Шерхан 3А-имарат ҳәм иншаатлар қурылысы

2-орын Снатов Саламат 3В- имарат ҳәм иншаатлар қурылысы

3-орын Курбанов Бабур 4Б- имарат ҳәм иншаатлар қурылысы

  1. AutoCAD, SWEET  HOME программалары бойынша

1-орын Кунгиратов Дилмурод 4С-қурылыс материаллары

2-орын Даулетбаев Курбанбек 3Б- қурылыс материаллары

3-орын Алланазаров Карамат 1- қурылыс материаллары (МГСУ) студентлери ҳүрмет жарлығы менен сыйлықланды

Қурылыс факультети оқытыўшысы          А.Даўлетбаева

«Бес баслама бес имканият» шеӊберинде өткерилген спорт жарысы

Өзбекстан Республикасы Президенти тәрепинен жаслар мәниўиятын жоқарылатыў ҳәм олардыӊ бос ўақытларын мазмунлы шөлкемлестириў бойынша «Бес баслама бес имканият» бағдарламасы тийкарында 2020-жыл 1-2-феврал күнлери Қарақалпақ мәмлекетлик университети спорт залында Қурылыс факультети 1-2-3-4-курс студент жаслары арасында, жасларды физикалық жақтан шынықтырыў хәм спорт тараўында өз қәбилетлерин көрсетиў ушын зәрүр шәраят жаратыў мақсетинде факультет ер балалары арасында спорттыӊ мини футбол түри қызлар арасында спорттыӊ шахмат-шашка түри бойынша жарысы өткерилди. Мини футбол бойынша еки күн даўам еткен қызғын беллесиўде 3-в қурылыс материаллары командасы 1-орын, 1-в қурылыс материаллары командасы 2-орын, 2-а қурылыс материаллары командасы 3-орынды жеӊип алды. Жеӊимпаз командаларға Ректор ҳүрмет жарлығы, медал ҳәм факультет кубоги тапсырылды.

 

2-б қурылыс материаллары  қанигелиги студенти              А.Матжанов